أقوى تفسيرحلزوني لل404!

بعد ماسمعت الكلمتين هاذم اللي فسرلنا فيهم معز اسباب ال404 وجاب حكاية مالحيط باش يقوللنا اللي امريكا هي السبب في المواقع المقصوصة منجمتش نشد روحي وقلت لازم نعملو تدوينة "ديديكاس" على ما شدني الضحك.

ياخي وين عايش دين والديه؟ و جاي يعدّي فيها على شكون؟

على كل هاك وليت "ستار" في الأنترنيت, وعملولك Hashtag وشوية صفحات على الفايسبوك باش يفرحو بيك بالباهي وحتى موزاييك كتبت عليك هههههه

Pour que Moez Souabni fasse un One Man Show

Pour que le super moez souabni nous corrige l'erreur 404

وفي إنتظار 404 امريكية قد تأتي, وقد لاتأتي...

حلزون 2.0

إطارات وعمال Google يرحبون بالمدون الجديد حلزون 2.0 ويثمّنون حملة "حل بلوغ" الميمونة هههههه

في إطار الحملة المذكورة أعلاه, قلت علاش مانحلش انا زادة حانوت صغير نكتب فيه خربشاتي وأفكاري الحلزونية. ولو اني منتصورش انيّ باش نكتب بصفة دورية اما على الأقل نلقى وين نعبر على برشة حاجات نشوفها كل يوم...